1/2
  • Ariën Rasmijn

Day One

Bijgewerkt: jan 2






New year, new Den Cayente. Den espiritu di cambio y di un comienso nobo, mi ta bay purba (PURBA!) di post tur dia for di aworaki anto na Papiamento. E column semanal di Amigoe na Hulandes ta bay keda mescos. Te aworaki mi a resisti pa haci esaki, a pesar di diferente pedido. Motibo principal tabata cu nunca mi por a traha tempo den mi schedule, y hopi biaha mi tabata cansa tambe. Mi no sa si ta bay logra 100% tur dia, pero mi ta priminti di haci mi best.


Anyway, 2020 a sera y by now tur hende a fada di bisa y tende y meme cu e tabata un mal aña. We get it. Time to move on. 2021 ta mustra di ta at least mesun challenging. Aña a habri cu tiki fiesta (mi no a weita nada riba e websitenan di noticia di caya di fiestanan ilegal cu polis lo a crash, locual a sorpresami), tiki pagara pa via di e awasero pero si cu un tiro kort maar krachtig. Ami a enjoy keda drumi na cas (despues di tanto aña organisando fiesta ilegal riba beach), lanta na un ora decente anto dal mi breakfast, un cambio agradabel compara cu yega Marriott na soño y mitar bebi pa dal mi brunch hunto cu e otro zombienan. Kizas berdad awo porfin mi ta birando un homber bieuw y decente...

Aña nobo, bida nobo. Niun hende a worry cu niun discurso pasobra nos tur sa con frega cos ta y nos kier lubida e trauma y tackle loke tin na caminda. Y loke tin na caminda ta hopi!

Pa e proximo lunanan mi wowo ta bay ta riba con largo gobierno ta bay enforsa e ley nobo di Dimas prome cu cantidad di caso sumario tumbe.

Tambe mi kier wak con e negociacionnan entre gobierno y Quanten Consortium Aruba ta bay sigui y si nan ta bay yega na un deal cu otro. Den mi entrevista pa Amigoe director di RdA Renny Arends a contami cu si nan bay di acuerdo cu continua cu e mesun regimen fiscal ci Citgo tabatin, cos lo por core basta smooth ya cu lo no mester cambia niun ley pa acomoda nan. Loke a val mi op si ta con hopi skepticismo tin den QCA y loke nan tin aden. Hasta hende cu prome tabata cuchi cuchi cu nan y haya inside info di antemano diripente a join e coro di negativismo cu te aworaki ta mas infunda cu e tiki cu si tin riba mesa te aworaki, manera e endorsement di gobierno di Merca y e lista di companianan cu supuestamente ta on board. Mi fuentenan a actually mira den e oferta cu QCA a manda pa e REOI y nan kemen cu e ta solid. Renny Arends durante e conferencia di prensa a bisa cu e no a spera di ta asina impresiona cu QCA. Ora mi a entrevista Karl Welch, ela bisami cu companianan tradicional di petroleo berdad ta hayando sla, pero esey ta pa via di nan size y hecho cu nan no por maniobra liher den e mercado actual. Refinerianan ta serando, pero eseynan ta esunnan bieuw mientras cu ta habriendo otronan mas chikito y sostenibel. E demanda pa productonan petrolero ta keda mesun halto, ta djis e prijs y e condicionnan di produccion no ta manera antes. Companianan chikito y out of the box ta mustra di bay ta esnan cu ta bay florese akiden. Mi no ta hinca mi man den candela pa niun hende, pero mi no ta bay kibra nan di antemano tampoco sin niun argumento of prueba duro (pa haci esey riba su mes pami ta un huge red flagcu ta mustra riba un bias, of pio ainda: un agenda). Nunca mi tabata pro reapertura di e refineria tampoco. Pero te aworaki niun otro alternativa factibel a presenta su mes y e placa di Hulanda no ta bay tey pa semper. Si e ta faya, e ta faya, y si no...Ban wak. Dus no ban asumi lo peor dibiaha.

Sowieso tambe tin e temporada di campaña cu ta bay ranca sali awo. Aki aya mi ta tende rumores. Minister di Tripmento cu supuestamente no ta bin bek, switchmento di color blauw pa geel, e pregunta si Marisol ta bay recusita PPA, Markie B su partido nobo, kico Miguel Mansur ta bay haci...Laga nos bisa cu E Weya ta keintando riba stoof y birando basta hot caba. Pero ban keda real cu otro si: awor cu Hulanda ta basicamente run the show tras di cortina, henter e asunto aki di eleccion a bira nada mas cu djis entertainment. Mi ta corda 4 aña pasa un filmmaker di Hulanda a bin akinan y a purba traha un documentario riba e eleccion. E no a logra bende pa por cabe. Corda si cu esaki tabata prome cu Netflix tabata un cos. Kizas no ta mal idea pa check cune, wak si e tin gana di traha un style di Tiger King, pero cu e guy di HTC....

0 reacties
Ad SETAR Complete 60+.gif